اب پاکستانی ڈرامے بھی ترکی میں دکھائے جائیں گے، فیصل جاوید خان => یمن میں اتحادی فوج اور جنگجوؤں میں جھڑپ، 50 سے زائد ہلاکتیں => صومالیہ میں گورنر پر خودکش حملے میں 3 افراد ہلاک اور 5 زخمی => رواں برس زکوٰة کا نصاب 80 ہزار 933 روپے مقرر => وزیراعظم عمران خان کاسعودی ولی عہد کے بعد بل گیٹس کوبھی خط => سوئس اکاؤنٹس کیسز دوبارہ کھولےجائیں گے، شیخ رشید => ماہیما چوہدری کی بیٹی کی خوبصورتی کے چرچے => کراچی میں نجی بینک میں نقب زنی، درجنوں لاکرز لوٹ لئے گئے => گلوکار احمد رشدی کو ہم سے بچھڑے 38 برس بیت گئے => کوٹلی میں کار 500 فٹ گہری کھائی میں جا گری، 6 افراد جاں بحق =>

کتابیں 1970 کی دہائی میں اس کے والدین کو جاری کی گئیں جو اس نے جرمانے کے ساتھ لائبریری کو واپس کردیں

امریکی ریاست منی سوٹا سے تعلق رکھنے والے ایک شخص نے میری لینڈ کی لائبریری سے 4 دہائیوں قبل لی جانے والے دو کتابیں واپس کردی اور ہر روز کا جرمانہ بھی ادا کیا ہے۔
منی پولس میں رہنے والے جان کریمر کو کینیڈا کے شہر اونٹاریو میں اپنے والدین کے گھر سے دو کتابیں ملیں جو مونٹگمری کاؤنٹی لائبریری سے 1970 کی دہائی میں جاری کی گئی تھیں۔ ایک کتاب کمپنگ سے متعلق اور دوسری کھانے اور سبزیاں پکانے کے بارے میں تھیں، یہ کتابیں واپس نہیں کی گئی تھیں۔ جان کریمر نے نہ صرف یہ کتابیں واپس کردیں بلکہ اس نے جرمانے اور لیٹ فیس کی مد میں لائبریری کو 1550 ڈالر یعنی ڈیڑھ لاکھ روپے سے زائد کی رقم بھی ادا کی۔ جب لائبریری نے یہ رقم واپس کرنے کو کہا کہ تو جان کریمر نے اسے لائبریری کے لیے عطیہ قرار دیا اور رقم واپس نہ لی۔

اس واقعے کے بعد لائبریری کے عملے نے اسے ایک خاص تقریب میں مدعو کیا اور اس کے پورے خاندان کے لیے لائبریری کارڈز جاری کرکے تحفے میں دیئے۔